परिचय

पचरती बचत तथा ऋण सहकारी संस्था लिमिटेड सहकारीको मूल्य, मान्यता तथा सिद्धान्तलाई आत्मसात गर्दै सदस्यहरूको आर्थिक तथा सामाजिक उन्नयनका उद्देश्यले वि.सं. २०७५ सालमा स्थापना भएको एक सदस्य–केन्द्रित वित्तीय संस्था हो। यस संस्थाको दर्ता नं. ०३/०७५/०७६ रहेको छ। संस्थाको केन्द्रीय कार्यालय खैरहनी नगरपालिका–५, चितवन, नेपाल मा अवस्थित रहेको छ।

स्थापनाकालमा संस्थामा जम्मा ३१ जना शेयर सदस्य सहभागी भई सहकार्यको भावना र आत्मनिर्भरताको उद्देश्यका साथ संस्थाको सुरुआत गरिएको थियो। सदस्यहरूको विश्वास, संस्थाको पारदर्शी व्यवस्थापन तथा प्रभावकारी सेवा प्रवाहका कारण संस्थाले निरन्तर प्रगति गर्दै हाल संस्थामा ८७० जना शेयर सदस्य आबद्ध भएका छन्।

संस्थाले सदस्यहरूमा बचत गर्ने बानीको विकास गर्दै संकलित बचतलाई उत्पादनशील तथा आयमूलक क्षेत्रमा परिचालन गरी सदस्यहरूको आर्थिक सशक्तीकरणमा योगदान पुर्‍याउँदै आएको छ। सदस्यहरूलाई सहज, सुरक्षित तथा सदस्यमैत्री बचत तथा ऋण सेवा प्रदान गर्नुका साथै वित्तीय अनुशासन, सुशासन, उत्तरदायित्व र पारदर्शितालाई संस्थाको प्रमुख आधारको रूपमा अवलम्बन गरिएको छ।

आधुनिक प्रविधिको प्रयोग, दक्ष जनशक्ति विकास, सहकारी शिक्षा तथा सदस्यहितमुखी कार्यक्रममार्फत संस्थाले आफ्ना सेवाहरूलाई थप प्रभावकारी बनाउँदै लगेको छ। साथै, सामाजिक उत्तरदायित्व निर्वाह गर्दै स्थानीय समुदायको विकास र आर्थिक समावेशीकरणमा समेत संस्थाले महत्वपूर्ण भूमिका खेल्दै आएको छ।

भविष्यमा सदस्यहरूको आवश्यकता र अपेक्षालाई सम्बोधन गर्दै संस्थालाई अझ सुदृढ, विश्वसनीय, प्रविधिमैत्री तथा नमुना सहकारी संस्थाको रूपमा स्थापित गर्ने लक्ष्यका साथ पचरती बचत तथा ऋण सहकारी संस्था लिमिटेड निरन्तर अगाडि बढिरहेको छ।